Hanes
Mae’r Diwrnod Prom yn denu dros 60,000 o bobl i’r ardal ac er fod y
mwyafrif yn bobl leol, mae miloedd yn teithio o bob rhan o
Ogledd-orllewin Lloegr a chanolbarth Lloegr i’r digwyddiad ardderchog
hwn ger y môr.
Datblygwyd
y digwyddiad, yn ei ffurf bresennol, yn 1988. Roedd y pwrpas yn syml:
rhoi Bae Colwyn ar y map a denu twristiaid i’r ardal. Roedd trefnwyr
eisiau denu pobl i weld mor hardd y gall tref Bae Colwyn a’r ardal
gyfagos fod.
Yn y flwyddyn gyntaf, denodd y digwyddiad tua 20,000 o bobl. Roedd yn
ddigwyddiad bychan iawn oedd yn gyfan gwbl seiliedig ar fusnesau ac
elusennau lleol. Gall y Diwrnod Prom rŵan ddenu hyd at 100,000 o bobl o
bob rhan o Brydain, a bydd cwmnïau a sefydliadau cenedlaethol yn ymuno â
busnesau/elusennau lleol i hyrwyddo eu hunain yn y digwyddiad.
Erbyn hyn, Diwrnod Prom yw’r prif ddigwyddiad yng Nghymru a Gogledd Orllewin Lloegr ar ddydd Llun Gŵyl y Banc Calan Mai bob blwyddyn, a gobeithiwn y byddwn yn cynnig diwrnod llawn mwynhad i bawb!
